ການຖອດຂໍ້ຄວາມດ່ວນ

ການຖອດຂໍ້ຄວາມດ່ວນ ແລະ ການແຈ້ງເຕືອນສຽງຈະຊ່ວຍໃຫ້ຄົນຫູໜວກ ແລະ ຜູ້ມີບັນຫາໃນການໄດ້ຍິນເຂົ້າໃຈບົດສົນທະນາໃນຊີວິດປະຈຳວັນ ແລະ ສຽງອ້ອມຕົວໄດ້ດີຂຶ້ນ, ພຽງແຕ່ໃຊ້ໂທລະສັບ Android ຂອງທ່ານເທົ່ານັ້ນ.

ຢູ່ອຸປະກອນສ່ວນໃຫຍ່, ທ່ານສາມາດເປີດການຖອດຂໍ້ຄວາມດ່ວນ ແລະ ການແຈ້ງເຕືອນສຽງໄດ້ໂດຍປະຕິບັດຕາມຂັ້ນຕອນເຫຼົ່ານີ້:
1. ເປີດແອັບການຕັ້ງຄ່າຂອງອຸປະກອນຂອງທ່ານ
2. ແຕະ ການຊ່ວຍເຂົ້າເຖິງ
3. ໂດຍຂຶ້ນຢູ່ກັບຄຸນສົມບັດທີ່ທ່ານຕ້ອງການໃຊ້, ໃຫ້ແຕະ ການຖອດຂໍ້ຄວາມດ່ວນ ຫຼື ການແຈ້ງເຕືອນສຽງ

ທ່ານຍັງສາມາດໃຊ້ປຸ່ມການຊ່ວຍເຂົ້າເຖິງ, ທ່າທາງ ຫຼື ການຕັ້ງຄ່າດ່ວນເພື່ອເລີ່ມຕົ້ນການຖອດຂໍ້ຄວາມດ່ວນ ຫຼື ການແຈ້ງເຕືອນສຽງໄດ້ນຳ (https://g.co/a11y/shortcutsFAQ).

ການຖອດຖ່າຍຂໍ້ຄວາມແບບສົດໆ
• ສ່ວນຕິດຕໍ່ການສົນທະນາທີ່ອອກແບບໃໝ່ຊ່ວຍໃຫ້ການສື່ສານໂຕ້ຕອບກັນເປັນໄປຢ່າງລ່ຽນໄຫຼ ແລະ ງ່າຍຂຶ້ນ.
• ຮັບການຖອດຖ່າຍຂໍ້ຄວາມແບບສົດໆໃນຫຼາຍກວ່າ 80 ພາສາ ແລະ ພາສາທ້ອງຖິ່ນ. ເພີ່ມຄຳທີ່ກຳນົດເອງເຊິ່ງທ່ານໃຊ້ເລື້ອຍໆ ເຊັ່ນ: ຊື່ ຫຼື ສິ່ງຂອງໃນຄົວເຮືອນ.
• ຕັ້ງຄ່າໃຫ້ໂທລະສັບຂອງທ່ານສັ່ນເມື່ອມີຄົນເວົ້າຊື່ທ່ານ.
• ພິມຄຳຕອບໃນການສົນທະນາຂອງທ່ານ.
• ໃຊ້ໄມໂຄຣໂຟນພາຍນອກທີ່ຢູ່ໃນຊຸດຫູຟັງແບບມີສາຍ, ຊຸດຫູຟັງ Bluetooth ແລະ ໄມ USB ເພື່ອໃຫ້ຮັບສຽງໄດ້ດີຍິ່ງຂຶ້ນ.
• ຢູ່ໂທລະສັບພັບໄດ້, ໃຫ້ສະແດງການຖອດຖ່າຍຂໍ້ຄວາມ ແລະ ຄຳຕອບທີ່ພິມຢູ່ໜ້າຈໍທາງນອກ ເພື່ອໃຫ້ສື່ສານກັບຜູ້ອື່ນໄດ້ງ່າຍຂຶ້ນ.
• ເລືອກບັນທຶກການຖອດຖ່າຍຂໍ້ຄວາມໄວ້ເປັນເວລາ 3 ມື້. ການຖອດຖ່າຍຂໍ້ຄວາມທີ່ບັນທຶກໄວ້ຈະຢູ່ໃນອຸປະກອນຂອງທ່ານເປັນເວລາ 3 ມື້ ເພື່ອໃຫ້ທ່ານສາມາດສຳເນົາ ແລະ ນຳໄປວາງໃສ່ບ່ອນອື່ນໄດ້. ໂດຍຄ່າເລີ່ມຕົ້ນ, ລະບົບຈະບໍ່ບັນທຶກການຖອດຖ່າຍຂໍ້ຄວາມ.

ການແຈ້ງເຕືອນສຽງ
• ຮັບການແຈ້ງເຕືອນກ່ຽວກັບສຽງທີ່ສຳຄັນອ້ອມຕົວທ່ານ ເຊັ່ນ: ເມື່ອສັນຍານເຕືອນຄວັນໄຟດັງຂຶ້ນ ຫຼື ແອນ້ອຍຮ້ອງໄຫ້.
• ເພີ່ມສຽງທີ່ກຳນົດເອງເພື່ອຮັບການແຈ້ງເຕືອນເມື່ອເຄື່ອງໃຊ້ໄຟຟ້າຂອງທ່ານມີສຽງດັງ.
• ກວດສອບສຽງທີ່ດັງໃນໄລຍະ 12 ຊົ່ວໂມງທີ່ຜ່ານມາເພື່ອເບິ່ງສິ່ງທີ່ເກີດຂຶ້ນອ້ອມຕົວທ່ານ.

ຂໍ້ກຳນົດ:
• Android 12 ຂຶ້ນໄປ

ການຖອດຂໍ້ຄວາມດ່ວນ ແລະ ການແຈ້ງເຕືອນສຽງສ້າງຂຶ້ນຈາກການເຮັດວຽກຮ່ວມກັບ Gallaudet University, ເຊິ່ງເປັນມະຫາວິທະຍາໄລຊັ້ນນຳໃນສະຫະລັດອາເມລິກາສຳລັບຄົນຫູໜວກ ແລະ ຜູ້ມີບັນຫາໃນການໄດ້ຍິນ.

ຄວາມຊ່ວຍເຫຼືອ ແລະ ຄຳຕິຊົມ
• ເພື່ອສະແດງຄຳຕິຊົມ ແລະ ຮັບຂໍ້ມູນອັບເດດກ່ຽວກັບຜະລິດຕະພັນ, ກະລຸນາເຂົ້າຮ່ວມ Google Group ສຳລັບຜູ້ພິການຢູ່ https://g.co/a11y/forum
• ສຳລັບຄວາມຊ່ວຍເຫຼືອໃນການນຳໃຊ້ການຖອດຂໍ້ຄວາມດ່ວນ ແລະ ການແຈ້ງເຕືອນສຽງ, ກະລຸນາຕິດຕໍ່ພວກເຮົາຢູ່ https://g.co/disabilitysupport

ປະກາດກ່ຽວກັບການອະນຸຍາດ
ໄມໂຄຣໂຟນ: ການຖອດຂໍ້ຄວາມດ່ວນ ແລະ ການແຈ້ງເຕືອນສຽງຕ້ອງການສິດເຂົ້າເຖິງໄມໂຄຣໂຟນເພື່ອຖອດຂໍ້ຄວາມຈາກສຽງຄຳເວົ້າ ແລະ ສຽງອ້ອມຮອບຕົວທ່ານ. ລະບົບຈະບໍ່ຈັດເກັບສຽງໄວ້ຫຼັງຈາກປະມວນຜົນການຖອດຖ່າຍຂໍ້ຄວາມ ຫຼື ສຽງທີ່ຈຳແນກໄດ້ສຳເລັດແລ້ວ.
ການແຈ້ງເຕືອນ: ຄຸນສົມບັດການແຈ້ງເຕືອນສຽງຕ້ອງເຂົ້າເຖິງການແຈ້ງເຕືອນເພື່ອແຈ້ງໃຫ້ທ່ານຮູ້ກ່ຽວກັບສຽງ.
ອຸປະກອນທີ່ຢູ່ໃກ້ຄຽງ: ການຖອດຂໍ້ຄວາມດ່ວນຕ້ອງການສິດເຂົ້າເຖິງອຸປະກອນທີ່ຢູ່ໃກ້ຄຽງເພື່ອເຊື່ອມຕໍ່ກັບໄມໂຄຣໂຟນ Bluetooth ຂອງທ່ານ.
ບໍລິການຊ່ວຍເຂົ້າເຖິງ: ການແຈ້ງເຕືອນສຽງໃຊ້ API ຂອງບໍລິການຊ່ວຍເຂົ້າເຖິງເພື່ອເອີ້ນໃຊ້ບໍລິການກວດຫາສຽງໃນພື້ນຫຼັງ ແລະ ເປີດການນຳໃຊ້ການເຂົ້າເຖິງດ່ວນຜ່ານປຸ່ມການຊ່ວຍເຂົ້າເຖິງ ຫຼື ທ່າທາງການຊ່ວຍເຂົ້າເຖິງຂອງອຸປະກອນຂອງທ່ານ. ລະບົບບໍ່ໄດ້ໃຊ້ API ນີ້ເພື່ອອ່ານ, ຮວບຮວມ ຫຼື ຈັດເກັບເນື້ອຫາຢູ່ໜ້າຈໍ ຫຼື ຂໍ້ມູນສ່ວນຕົວ.